Gründung des Kurdischen Instituts Lausanne

Gründung

Bi hişmendîyeke akademîk û zanistî, nivîskar û huqûqnas Necat Zanyar, di 19.04.2024an de bi bangewazîyeke nivîskî, banga damezrandina Enstîtuya Kurdî ya Lozanê kir.

Piştî civînên demdirêj û pêkhatina komîteya reveber, Enstîtuya Kurdî ya Lozanê di 17.11.2024an de rêznameya xwe amade kir. Di 30ê Çileya 2025an de prosesa fermîkirina enstîtuyê temam bû.

Di 04ê Gulana 2025an de, li bajarê Lozanê bi resepsiyoneke mezin damezrandina Enstîtuya Kurdî ya Lozanê hat ragihandin.

Komîteya rêveber ya enstîtuyê, ji pênc kesên çar parçeyên Kurdistanê pêk tê. Enstîtu, sazîyeke zanistî û sekuler e, di ser hemû partî û îdeolojîyan re ye. Serbixwe ye.

Name und Sitz

Lozan, yek ji navendên giring ên dîyasporaya Kurd e. Neteweya herî zêde bandordîtî ji Peymana Lozanê ya 1923yan, Kurd in. Ji bo Kurdan, navê Lozanê bi mijara serweriyê û huqûqa neteweyî re têkildar e. Bi sedema sembolbûna Lozanê, ji bo nav û navenda enstîtuyê ev bajar hat hilbijartin.

Logo

Ji bermayîyên Ekbatana yên li payîtexta Medê dîyar e, şêr sembola împeretorîya Medyayê ye. Her wiha ji serdemên kevnar ta îro, roj ji bo Kurdan pîroz e.

Sembola bajarê Lozanê jî du şêr in. Du şêrên şaristanîya Medê dest didin du şêrên Lozanê û roja Kurdî diparêzin.